Tuesday, May 29, 2012

ខ្ញុំអាច Convert ភាសា C# ទៅជាភាសា VB បានដែរឬ?

មិត្តអ្នកអានភាគច្រើនប្រាកដជាបានដឹងពីភាសា VB.net និង C#.net ហើយថាវាជាភាសាដែលអាចឱ្យយើងសរសេរបង្កើត កម្មវិធីប្រើប្រាស់លើ Windows ឬក៏ Website applicationជាមួយភាសា Asp.net។ ហើយភាសាទាំងពីរនេះវាក៏មានលក្ខណៈពិសេសផ្សេងៗ ពីគ្នាផងដែរ។ ចំពោះអ្នកសរសេ កូតពេលខ្លះបានចូលទៅស្វែងរក Sample Code ដើម្បីយកមកប្រើប្រាស់ក្នុងកម្មវិធីរបស់គេ តែ Sample Code ខ្លះជាភាសា C#.net ខ្លះជាភាសា VB.net ដែលជាហេតុនាំឱ្យពួកគេពិបាកបកប្រែភាសា C#ទៅ vb.net ឬ VB.net ទៅ C# វិញណាស់។
ថ្ងៃនេះ យើងលើកយកគេហទំព័រមួយដែលអាចឱ្យយើងអាច Convert ភាសា VB → C#, C#→ VB វិញបាន គឺ http://converter.telerik.com/

Sunday, May 27, 2012

តើ Common Stock (ភាគហ៊ុនទូទៅធម្មតា) និង Preferred Stock (ភាគហ៊ុនបុរិមា) ខុសគ្នាត្រង់ណាខ្លះ?

ទាក់ទងនឹងការវិនិយោគភាគហ៊ុន៖ តើ Common Stock និង Preferred Stock ខុសគ្នាត្រង់ណាខ្លះ?
Common Stock (ភាគហ៊ុនទូទៅធម្មតា) និង Preferred Stock (ភាគហ៊ុនបុរិមា) គឺសុទ្ធសឹងជាភាគហ៊ុនដូចគ្នា។ ភាពខុសគ្នា រវាងភាគហ៊ុនទាំងពីរប្រភេទនេះ មាន ៣ចំណុចធំៗ៖
១-សិទ្ធិបោះឆ្នោត
អ្នកកាន់ភាគហ៊ុនធម្មតា (Common Stock) មានសិទ្ធិបោះឆ្នោត ក្នុងក្រុមហ៊ុន ដូចជា ការបោះឆ្នោតជ្រើសរើសក្រុមប្រឹក្សាភិបាលក្រុមហ៊ុន ជាដើម។ ចំណែកអ្នកកាន់ភាគហ៊ុនបុរិមា (Preferred Stock) វិញ មិនមានសិទ្ធិបោះឆ្នោតទេ។
២-ចំណែកភាគលាភ ឬប្រាក់ចំណេញប្រចាំឆ្នាំដែលត្រូវបែងចែកទៅឲ្យម្ចាស់ហ៊ុន ( Dividend)
អ្នកកាន់ភាគហ៊ុនធម្មតា ទទួលចំណែកភាគលាភប្រចាំឆ្នាំ ទៅតាមប្រាក់ចំណេញរបស់ក្រុមហ៊ុន។ បើក្រុមហ៊ុនចំណេញច្រើន ទទួលបានច្រើន។ បើក្រុមហ៊ុនចំណេញតិចទទួលបានតិច។ បើក្រុមហ៊ុនមិនចំណេញសោះ អ្នកកាន់ភាគហ៊ុនធម្មតាក៏មិនបានទទួលភាគលាភដែរ។ ផ្ទុយទៅវិញ អ្នកកាន់ភាគហ៊ុនបុរិមា អាចមានចំណែកភាគលាភមួយកំណត់ អាស្រ័យទៅតាមក្រុមហ៊ុន ដែលចេញភាគហ៊ុននេះ។ ក្រុមហ៊ុនអាចកំណត់ជាមុនថា អ្នកកាន់ភាគហ៊ុនបុរិមាអាចទទួលបានភាគលាភប្រចាំឆ្នាំ ៥% ជារៀងរាល់ឆ្នាំ (ឧទាហរណ៍)។ ដូច្នេះ បើទោះជាក្រុមហ៊ុនចំណេញតិចតួច ក៏អ្នកកាន់ភាគហ៊ុនបុរិមានៅតែទទួលបានភាគលាភ ៥% ហើយបើសិនជាក្រុមហ៊ុនចំណេញច្រើន ក៏នៅតែបាន ៥%។
៣-អាទិភាពក្នុងការទទួលបានភាគលាភ
អ្នកកាន់ភាគហ៊ុនបុរិមា មានសិទ្ធិទទួលបានចំណែកភាគលាភមុនអ្នកកាន់ភាគហ៊ុនធម្មតា។ ក្រុមហ៊ុនត្រូវបែងចែកប្រាក់ចំណេញទៅឲ្យអ្នកកាន់ភាគហ៊ុនបុរិមា ជាមុន រួចហើយបានយកចំណែកដែលនៅសល់ទៅបែងចែកដល់អ្នកកាន់ភាគហ៊ុនធម្មតា។ ដូច្នេះ បើសិនជាក្នុងករណីប្រាក់ចំណេញមានមិនសូវច្រើន ហើយក្រោយពេលបែងចែកឲ្យអ្នកកាន់ភាគហ៊ុនបុរិមាហើយ មិនមានប្រាក់ចំណេញនៅសល់ អ្នកកាន់ភាគហ៊ុនធម្មតាមិនអាចទទួលបានប្រាក់ភាគលាភទេ។
ប៉ុន្តែ គួរបញ្ជាក់បន្ថែមថា អ្នកកាន់ភាគហ៊ុនបុរិមា (Preferred Stock) មានសិទ្ធិទទួលចំណែកប្រាក់ភាគលាភមុនអ្នកកាន់ភាគហ៊ុនធម្មតា ប៉ុន្តែ មិនមែនមានន័យថា មិនប្រាកដថាអាចទទួលបានប្រាក់ភាគលាភគ្រប់ពេលទេ។ ប្រសិនបើក្រុមហ៊ុនមិនមានលុយ យកមកចែកប្រាក់ភាគលាភឲ្យទេ អ្នកកាន់ភាគហ៊ុនបុរិមា មិនអាចតម្រូវឲ្យក្រុមហ៊ុនត្រូវតែបង់នោះទេ។
នេះខុសពីករណីអ្នកកាន់សញ្ញាប័ណ្ណ (Bond)។ អ្នកកាន់សញ្ញាប័ណ្ណក្រុមហ៊ុន គឺជាម្ចាស់បំណុលរបស់ក្រុមហ៊ុន។ ដូច្នេះ ក្រុមហ៊ុនមានកាតព្វកិច្ចត្រូវតែសងបំណុល ឬក៏បង់ការប្រាក់ទៅឲ្យអ្នកកាន់សញ្ញាប័ណ្ណ។ ទោះជារកស៊ីចំណេញ ឬខាត ក៏ក្រុមហ៊ុនត្រូវតែរកលុយមកបង់។ បើសិនជាក្រុមហ៊ុនមិនមានលុយបង់ទៅឲ្យអ្នកកាន់សញ្ញាប័ណ្ណទេ ក្រុមហ៊ុនអាចនឹងត្រូវតុលាការដាក់ឲ្យក្ស័យធន ដើម្បីលក់ឡាយឡុងទ្រព្យក្រុមហ៊ុនយកលុយទៅសងអ្នកកាន់សញ្ញាប័ណ្ណ ដែលជាម្ចាស់បំណុល៕

វិធីសាស្ត្រដ៏ល្អបំផុតដើម្បីកែប្រែពី Windows Vista ទៅជាWindows 7

មានអ្នកប្រើប្រាស់ប្រព័ន្ធដំណើរការ Windows Vista បានសួថាតើយើងត្រូវធ្វើដូចម្ដេចដើម្បីប្ដូរពី Windows Vista ទៅជា Windows7? យើងពិតជាអាចធ្វើទៅបានសម្រាប់អ្នកចង់ធ្វើការប្ដូរពីប្រព័ន្ធ Windows Vista ទៅ Windows7។

ក្នុងដំណោះស្រាយនេះអ្នកមានជម្រើសពីរគឺការកែប្រែដោយធ្វើការ វិធីកំណែទម្រង់ថ្មីឬហៅថាUpgrade និងមួយវិធីទៀតគឺការដំឡើងដោយជ្រើសយក Custom Install។យ៉ាងណាមិញវិធីដំឡើងតាមរយៈ Upgrade វាគឺមានភាពល្អប្រសើរហើយងាយស្រួលក៏ប៉ុន្តែវាពុំមែនជាជម្រើសដ៏ ឆ្លាតវៃសម្រាប់អ្នកនោះទេ។ដូច្នេះការដំឡើងវាគឺអ្នកអាចរក្សាទុក រាល់ការកំណត់និងកម្មវិធីរបស់អ្នកហើយម្យ៉ាងវិញទៀតអ្នកអាចដំឡើង និងដំណើរការរាល់កម្មវិធីដែលអ្នកបានធ្វើរួចមកហើយ។ ប៉ុន្តែភាពពិតនោះគឺវាមិនមែនជារឿងធម្មតានោះទេ ពេលខ្លះអ្នកអាចមានសំណាងល្អដោយការធ្វើរបស់អ្នកមិនមានបញ្ហា កើតមានឡើងហើយពេលខ្លះទៀតអ្នកក៏មិនទទួលបានជោគជ័យដែរ។ នៅពេលដែលវាមិនដំណើរការនោះអ្នកត្រូវចំណាយពេលដ៏ច្រើនដើម្បី ព្យាយាមកែតម្រូវអ្វីដែលខុសអសកម្មនោះ។ បញ្ហាគឺត្រូវអូសបន្លាយជាច្រើនដើម្បីធ្វើការកែតម្រូវវាឡើងវិញ ដូចជាកម្មវិធីមានហើយមិនអាចបើកឱ្យវាដំណើរការបានជាដើម។ដូច្នេះ ការដំឡើងតាមវិធី upgrade ប្រព័ន្ធដំណើរការ Windows គឺវាទាមទារឱ្យមានការយល់ដឹងច្រើនពីចំណុចនីមួយចំពោះសារបាន បង្ហាញប្រាប់អ្នកនៅកំឡុងពេលដំណើរការពីមួយជំហានទៅមួយជំហាន។ការ ដំឡើងដោយជ្រើសយក Custom Install តម្រូវឱ្យអ្នកចម្លង Window 7 ហើយបន្ទាប់ពីធ្វើការដំឡើងរួច អ្នកនឹងត្រូវធ្វើការបង្កើត Accountឬគណនីថ្មីបន្ទាប់មកអ្នកត្រូវដំឡើងកម្មវិធីសារឡើងវិញនិង ត្រូវធ្វើការផ្លាស់ប្ដូរការកំណត់របស់អ្នក។ការធ្វើបែបនេះត្រូវ ចំណាយពេលច្រើនក៏ប៉ុន្តែវាមិនមែនជាបញ្ហាទេសម្រាប់អ្នកដែលចង់ តាមដានបញ្ហាជាមួយនឹងការដំឡើងតាមបែប Update នោះ។

មុនពេលអ្នកធ្វើការដំឡើងដោយជ្រើសយក Custom Install អ្នកត្រូវប្រមែប្រមូលអ្វីដែលជាតម្រូវការរបស់អ្នកដូចជា កម្មវិធីមួយចំនួនត្រូវដាក់ក្នុង CD និង DVDជាដើម។សម្រាប់កម្មវិធីដែលអ្នកដោនឡូតមកអ្នកត្រូវប្រាកដថាតើវា មាន license ហើយឬនៅ។
បន្ទាប់មកទៀតដើម្បីសុវត្ថិភាពនោះអ្នកត្រូវ Backup drive របស់អ្នកទុក។ដូចនេះអ្នកត្រូវមាន External HDD និង កម្មវិធី backup នោះដែរ។ កម្មវិធី Macrium និង EASEUS ជាកម្មវិធីដែលងាយស្រួលប្រើអាចទុកចិត្តបាននិង ឥតគិតថ្លៃ។អ្នកអាចជ្រើសរើសយកមួយណាមកប្រើក៏បាន។បន្ទាប់មកទៀត អ្នកត្រូវBootវាចេញពី DVD ហើយធ្វើការដំឡើងវា។នៅពេលដែលការដំឡើងរួចសព្វគ្រប់ហើយអ្នកត្រូវ ចូលទៅ Account របស់អ្នកហើយត្រូវដំឡើង កម្មវិធីសារឡើងវិញ។
អ្នកត្រូវតែស្វែងរកទិន្នន័យរបស់អ្នកនិង File ដ៏ទៃទៀតពីការដំឡើង Windows Vista របស់អ្នកពីមុនមកគឺនៅក្នុង C:\window.old folder. ហើយនៅពេលនោះអ្នកអាចទាញយកឯកសារតន្ត្រីនិងទិន្នន័យជាច្រើនទៀត ដាក់ក្នុងបណ្ណាល័យWindows7របស់អ្នក។នេះគឺជាវិធីសាស្ត្រដ៏សាមញ្ញ មួយហើយប្រសិនបើអ្នកចង់ដឹងអំពីការណែនាំលំអិតនោះអ្នកអាចមើលរបៀប នៃការដំឡើង Windows7 នៅពេលនោះអ្នកនឹងដឹងអំពីព័ត៌មានលំអិតជាមិនខាន៕

ការបង្កើតទីផ្សារមូលប័ត្រនឹងនាំមកនូវជម្រើសថ្មីមួយទៀត សម្រាប់ប្រទេសកម្ពុជា

ភ្នំពេញ៖ មន្ត្រីជាន់ខ្ពស់នៃវិទ្យាស្ថានទីផ្សារមូលធនកម្ពុជា បាននិយាយថា ការបង្កើតទីផ្សារមូលប័ត្រនឹងនាំមកនូវជម្រើសថ្មីមួយទៀតសម្រាប់ ប្រទេសកម្ពុជា ក្នុងការធ្វើហិរញ្ញប្បទានសេដ្ឋកិច្ចជាតិ និងធានាដល់ការអភិវឌ្ឍន៍សេដ្ឋកិច្ចប្រកបដោយចីរភាព។
លោក ឈីវ សុខថេត ទីប្រឹក្សាជាន់ខ្ពស់នៃវិទ្យាស្ថានទីផ្សារមូលធនកម្ពុជាបានមាន ប្រសាសន៍បែបនេះទៅកាន់ក្រុមនិស្សិតសកលវិទ្យាល័យ បៀលប្រាយ ប្រមាណ៣០០នាក់ ក្នុងពិធីបើកសិក្ខាសាលាស្ដីពី "ការស្វែងយល់អំពីទីផ្សារហិរញ្ញវត្ថុ" កាលពីល្ងាចថ្ងៃច័ន្ទកន្លងមកនេះ។
លោក ឈីវ សុខថេត បានមានប្រសាសន៍ថា ការអភិវឌ្ឍន៍ទីផ្សារមូលធនជួយគាំទ្រដល់ការអភិវឌ្ឍន៍សេដ្ឋកិច្ចជាតិ តាមរយៈការផ្ដល់ហិរញ្ញប្បទានបង្កើនការវិនិយោគលើកទឹកចិត្តដល់ សហគ្រិនទាំងអស់ក្នុងការកែប្រែផលិតផលរបស់ខ្លួន ដើម្បីបំពេញតម្រូវការទីផ្សារ ផ្ដល់ឱកាសឲ្យអ្នកវិនិយោគមានទ្រព្យសម្បត្តិជាសូចនាករដ៏សំខាន់ និងច្បាស់លាស់ក្នុងការអនុវត្តន៍សេដ្ឋកិច្ច និងជាការពង្រឹងតម្លាភាព និងការគ្រប់គ្រងសេដ្ឋកិច្ចរួមទាំងការរក្សាស្ថិរភាពប្រព័ន្ធ ហិរញ្ញវត្ថុ។
លោកបន្តថា សាធារណជនអាចជាអ្នកវិនិយោគមូលប័ត្រដ៏សំខាន់ ដូច្នេះត្រូវធ្វើយ៉ាងណាឲ្យសាធារណជនយល់ថា ការវិនិយោគមូលប័ត្រមិនមែនជាល្បែងទេ វាជាតំណាងនៃម្ចាស់បំណុល និងជាម្ចាស់កម្មសិទ្ធិ ហើយតម្លៃភាគហ៊ុនគឺជាចំណែកមួយដ៏សំខាន់នៃថាមពលនៃការអភិវឌ្ឍន៍ សេដ្ឋកិច្ចរបស់ក្រុមហ៊ុន ឬស្ថាប័នមួយមានន័យថា ភាគហ៊ុនឡើងថ្លៃនៅពេលណាដែលក្រុមហ៊ុននោះរកស៊ីចំណេញ ភាគហ៊ុនចុះថោកនៅពេលណាក្រុមហ៊ុននោះរកស៊ីខាត។
លោក ជា តារា នាយកវិទ្យាស្ថានទីផ្សារមូលធនកម្ពុជាបានមានប្រសាសន៍ថា បច្ចុប្បន្ននេះព្រះរាជាណាចក្រកម្ពុជាមិនទាន់បង្កើតបានទីផ្សារ ហិរញ្ញវត្ថុនៅឡើយ ហើយប្រជាជនភាគច្រើនពុំទាន់ មានការយល់ដឹងពីទស្សនៈនៃការវិនិយោគទីផ្សារមូលប័ត្រឲ្យបាន គ្រប់គ្រាន់ដែរ។ ម៉្យាងទៀតទីផ្សារពលកម្មរបស់យើងក៏ដូចជាស្ថាប័នអប់រំផ្សេងៗទៀតដែរ ពុំទាន់មានការដាក់បញ្ចូលនូវមុខជំនាញនេះទៅក្នុងកម្មវិធីអប់រំ របស់ខ្លួនដើម្បីបំពេញតម្រូវការធនធានមនុស្សក្នុងពេលអនាគតឡើយ។
លោកបន្តថា វិទ្យាស្ថានទីផ្សារមូលធនកម្ពុជា ដែលជាស្ថាប័នមិនមែនរដ្ឋាភិបាល បានរៀបចំកម្មវិធីសម្រាប់អប់រំយុវជន និងនិស្សិតក្នុងគោលបំណងដើម្បីបណ្ដុះគំនិតយុវជនខ្មែរឲ្យបាន យល់ដឹងពីឧស្សាហកម្មទីផ្សារមូលធន និងចំណេះដឹងនៃការវិនិយោគទីផ្សារមូលប័ត្រក្នុងគោលដៅចូលរួមជាមួយ រាជរដ្ឋាភិបាលកម្ពុជាក្នុងការអភិវឌ្ឍន៍ទីផ្សារមូលធន ពិសេសចូលរួមកសាងសមត្ថភាព និងធនធានបញ្ញាដើម្បីបំពេញសេចក្ដីត្រូវការរបស់ទីផ្សារពលកម្មនៅពេល អនាគត៕

វិធីសាស្រាស្តដាក់ព្រិលធ្លាក់ក្នុង Webpage របស់យើង

មិត្តអ្នកអាន និងអ្នករចនា Website ទាំងអស់គ្នាក៏បានដឹងហើយថា Website មួយទទួលបានភាពទាក់ទាញ មិនមែនប្រាកដស្ថិតនៅលើ Concept របស់ Website តែ មួយមុខនោះទេ ។ ប៉ុន្តែវាក៏ត្រូវរួមចំណែកជាមួយការរចនាគេហទំព័ររបស់យើងឱ្យមាន ភាពស្រស់ស្អាត និងទាក់ទាញ ជាពិសេសងាយស្រួលប្រើសម្រាប់ Visitor ផងដែរ។
ដូច្នេះថ្ងៃនេះ CM នឹងលើកយកវិធីសាស្រ្តដាក់ព្រិលធ្លាក់លើគេហទំព័ររបស់អ្នក ជាមួយ script របស់ javascript ដើម្បីឱ្យ Website មាន action កាន់តែរស់រវើក។
សូមចម្លង Script ទាំងអស់នេះដាក់ក្នុង <Body> put here </Body>
ទាញយកកូដសាកល្បង

<!–Simply copy and paste into <BODY> Just above the </BODY> tag. –><SCRIPT type=”text/javascript”> /*
Snow Fall 1 – no images – Java Script
Visit http://rainbow.arch.scriptmania.com/scripts/
for this script and many more
*/
// Set the number of snowflakes (more than 30 – 40 not recommended)
var snowmax=35
// Set the colors for the snow. Add as many colors as you like
var snowcolor=new Array(“#aaaacc”,”#ddddff”,”#ccccdd”,”#f3f3f3″,”#f0ffff”)

// Set the fonts, that create the snowflakes. Add as many fonts as you like
var snowtype=new Array(“Times”,”Arial”,”Times”,”Verdana”)
// Set the letter that creates your snowflake (recommended: * )
var snowletter=”*”
// Set the speed of sinking (recommended values range from 0.3 to 2)
var sinkspeed=0.6

// Set the maximum-size of your snowflakes
var snowmaxsize=30

// Set the minimal-size of your snowflakes
var snowminsize=8
// Set the snowing-zone
// Set 1 for all-over-snowing, set 2 for left-side-snowing
// Set 3 for center-snowing, set 4 for right-side-snowing
var snowingzone=1
///////////////////////////////////////////////////////////////////////////
// CONFIGURATION ENDS HERE
///////////////////////////////////////////////////////////////////////////
// Do not edit below this line
var snow=new Array()
var marginbottom
var marginright
var timer
var i_snow=0
var x_mv=new Array();
var crds=new Array();
var lftrght=new Array();
var browserinfos=navigator.userAgent
var ie5=document.all&&document.getElementById&&!browserinfos.match(/Opera/)
var ns6=document.getElementById&&!document.all
var opera=browserinfos.match(/Opera/)
var browserok=ie5||ns6||opera

function randommaker(range) {
rand=Math.floor(range*Math.random())
return rand
}

function initsnow() {
if (ie5 || opera) {
marginbottom = document.body.scrollHeight
marginright = document.body.clientWidth-15
}
else if (ns6) {
marginbottom = document.body.scrollHeight
marginright = window.innerWidth-15
}
var snowsizerange=snowmaxsize-snowminsize
for (i=0;i<=snowmax;i++) {
crds[i] = 0;
lftrght[i] = Math.random()*15;
x_mv[i] = 0.03 + Math.random()/10;
snow[i]=document.getElementById(“s”+i)
snow[i].style.fontFamily=snowtype[randommaker(snowtype.length)]
snow[i].size=randommaker(snowsizerange)+snowminsize
snow[i].style.fontSize=snow[i].size+’px’;
snow[i].style.color=snowcolor[randommaker(snowcolor.length)]
snow[i].style.zIndex=1000
snow[i].sink=sinkspeed*snow[i].size/5
if (snowingzone==1) {snow[i].posx=randommaker(marginright-snow[i].size)}
if (snowingzone==2) {snow[i].posx=randommaker(marginright/2-snow[i].size)}
if (snowingzone==3) {snow[i].posx=randommaker(marginright/2-snow[i].size)+marginright/4}
if (snowingzone==4) {snow[i].posx=randommaker(marginright/2-snow[i].size)+marginright/2}
snow[i].posy=randommaker(2*marginbottom-marginbottom-2*snow[i].size)
snow[i].style.left=snow[i].posx+’px’;
snow[i].style.top=snow[i].posy+’px’;
}
movesnow()
}
function movesnow() {
for (i=0;i<=snowmax;i++) {
crds[i] += x_mv[i];
snow[i].posy+=snow[i].sink
snow[i].style.left=snow[i].posx+lftrght[i]*Math.sin(crds[i])+’px’;
snow[i].style.top=snow[i].posy+’px’;

if (snow[i].posy>=marginbottom-2*snow[i].size || parseInt(snow[i].style.left)>(marginright-3*lftrght[i])){
if (snowingzone==1) {snow[i].posx=randommaker(marginright-snow[i].size)}
if (snowingzone==2) {snow[i].posx=randommaker(marginright/2-snow[i].size)}
if (snowingzone==3) {snow[i].posx=randommaker(marginright/2-snow[i].size)+marginright/4}
if (snowingzone==4) {snow[i].posx=randommaker(marginright/2-snow[i].size)+marginright/2}
snow[i].posy=0
}
}
var timer=setTimeout(“movesnow()”,50)
}

for (i=0;i<=snowmax;i++) {
document.write(“<span id=’s”+i+”‘ style=’position:absolute;top:-”+snowmaxsize+”‘>”+snowletter+”</span>”)
}
if (browserok) {
window.onload=initsnow
}
</SCRIPT>

Saturday, May 26, 2012

បច្ចេកទេសសរសេរកូដ PHP 10 យ៉ាង សម្រាប់អ្នកអភិវឌ្ឍគេហទំព័រ

នៅក្នុងការសរសេរកូដនិមួយៗវាសុទ្ធតែមាននូវ គន្លឹះរបស់វា នាពេលបច្ចុប្បន្នអ្នកដែលធ្វើការក្នុងជំនាញសរសេរកូដមានការកើន ឡើងគួរឱ្យចាប់អារម្មណ៍ ប៉ុន្តែអ្នកទាំងនេះមិន

ទាន់បានធ្វើឱ្យខ្លួនរបស់គេក្លាយទៅជាអ្នកជំនាញនោះទេ។ ទាំងនេះក៏ព្រោះថាពួកគេមិនបានស្វែងយកនិងយកចិត្តទុកដាក់ទៅលើ ទម្រង់របស់កូដ និងការផ្គួបផ្សំនូវទម្រង់ផ្សេងៗទៀត។ ដូច្នោះប្រសិនលោកអ្នកចង់ឱ្យខ្លួនឯងក្លាយខ្លួនទៅជាអ្នកជំនាញ ក្នុងការសរសេរកូដ នោះលោកអ្នកត្រូវធ្វើការសិក្សាស្វែងយល់ឱ្យបានច្រើនទៅទម្រង់ក៏ ដូចជាគម្រោងរបស់Projectទាំងមូលដែលអ្នកបម្រុងនិងធ្វើវា។ ដោយសារតែមានបញ្ហាទាំងអស់នេះហើយបានជាយើងខ្ញុំសូមលើកយកនូវ អត្ថបទមួយនេះដែលទាក់ទងទៅនឹងការសរសេរកូដរបស់PHPយកមកធ្វើការ ចែករំលែកដល់ប្រិយមិត្តដែលបានអានទុកជាចំណេះដឹងមួយផងដែរ។
១.ការបម្លែងខ្លួនទៅជាOOP
ប្រសិនបើអ្នកមិនទាន់បានស្គាល់អំពីOOP(Object Oriented Programming)នោះទេលោកអ្នកនិងមានការខាតបង់និងមិនទាន់សម័យក្នុង ការសរសេរកូដនោះឡើយ។
តើលោកអ្នកស្គាល់អំពីOOPដែរឬទេ?តើអ្វីទៅជាOOP?
OOPគឺជាវិធីសាស្ត្រដ៏មានសារសំខាន់ក្នុងការសរសេរកម្មវិធី កុំព្យូទ័រដោយការប្រើប្រាស់ classes ឬ Objects ដែលចងភ្ជាប់កូដជាមួយគ្នា ដោយមិនចាំបាច់ក្នុងការសរសេរកូដដដែលៗ និងដំណើរការប្រតិបត្តិការយ៉ាងសាមញ្ញ។ Objects គឺជា classes ដ៏មានសារៈសំខាន់ដែលប្រមូលផ្ដុំ functions បញ្ចូលគ្នា និងចងពួកវាទុកក្នុងការប្រើប្រាស់លើកក្រោយដោយមិនចាំបាច់សរសេរ កូដច្រើនសារជាដដែលៗនៅគ្រប់ពេលដែលអ្នកត្រូវការធ្វើអ្វីមួយ នោះទេ។
Procedural Programming ធ្វើការតាមជំហានពីលើចុះក្រោមនៃទំព័រនីមួយៗដូចដែល server ធ្វើការអានគ្រប់ទិន្នន័យនៅលើ server របស់អ្នកដែរ។ ជាមួយ OOP វាមានមួយឬពីរ objects ដែលកំពុងត្រូវបានដំណើរការជាថ្មី វាអាចដំណើរការពីរ បី មួយរយ ឬមួយពាន់ objects ផ្សេងៗទៀតដែលមានដំណើរការជាក់លាក់អាស្រ័យលើ variables ដែលត្រូវបានដាក់បញ្ចូលចូលទៅក្នុង object នោះ។ OOP មានដំណើរការលឿន សាមញ្ញ និងមានភាពងាយស្រួលក្នុងការដោះស្រាយបញ្ហា ប្រើប្រាស់ធនធាន server តិច និងការសរសេរកូដតិច ដំណើរការលឿន និងត្រឹមត្រូវជាងមុនក្នុងការធ្វើការនៅពេលដែលអ្នកដឹងពី មូលដ្ឋានគ្រឹះរបស់វា។OOP មានការផ្លាស់ប្តូរនូវស្តាយក្នុងការអភិវឌ្ឍន៍កម្មវិធីរបស់លោក អ្នកជារៀងរហូត។
២.រាល់ការបញ្ចប់នៃកូដមួយចំនួនត្រូវការ_once()មកជំនួយ
យើងដឹងថាការប្រើប្រាស់កូដ include() ជាធម្មតាផ្ដល់ឲ្យយើងនូវភាពងាយស្រួលម្យ៉ាងដែលនៅពេលមានការជួប ប្រទះបញ្ហាដែលកូដមួយចំនួននៅក្នុងFile មិនមានដំណើរការនោះវាគ្រាន់តែបង្ហាញនូវ warning តែប៉ុណ្ណោះចំពោះកូដផ្សេងៗទៀតវាមានដំណើរការធម្មតា។ចំណែកឯការ ប្រើប្រាស់នូវកូដrequire()វាខុសពីការប្រើប្រាស់នូវinclude()ពី ព្រោះការប្រើរបស់វាអាចមានបញ្ហានៅពេលកូដមួយមិនមានដំណើរការ នោះកូដទាំងអស់ដែលនៅក្នុងFileនិងមានអាចធ្វើដំណើរការបានទេគឺ វាបានបញ្ឈប់ដំណើរការរបស់កូដទាំងអស់។អ្វីដែលអ្នកមិនត្រូវភ្លេច នោះគឺការសិក្សាទៅលើFunction Include_once()និងrequire_once()ដែលវាអាចនាំឱ្យមានផលវិបាកយ៉ាង ធ្ងន់ធ្ងរទៅដល់ Server Resources នៅក្នុងនោះលោកអ្នកមិនចាំបាច់ធ្វើការកែប្រែអ្វីទាំងអស់នៅ ក្នុងនោះទេ ព្រោះPHPបានធ្វើការបង្កើតនូវFunction នេះមកជាស្រេចដើម្បីឱ្យលោកអ្នកអាចធ្វើការប្រើប្រាស់បាន។លោក អ្នកគ្រាន់តែចងចាំថាការប្រើប្រាស់របស់វាអាចមានការប៉ះពាល់ទៅ ដល់ Server Resources បាន។ប្រសិនបើលោកអ្នកចង់ឱ្យកូដរបស់អ្នកមានសណ្ដាប់ធ្នាប់ល្អ អ្នកមិនចាំបាច់ត្រូវការប្រើប្រាស់Functionនេះទេ។
៣.បង្កើតជាមួយនិងError Reporting on
អ្វីដែលត្រូវធ្វើដំបូងគេនៅពេលអ្នកចាប់ផ្ដើមProject ថ្មីគឺយកនូវ Error ReportingទៅE_ALL។អ្នកគួរតែធ្វើការបិទវាចំនួន១០វិនាទីមុននឹង ធ្វើដំណើរការវាជាមួយ Production Mode។អ្នកទាំងអស់គ្នាគួរតែធ្វើបែបនេះនៅគ្រប់ Project ទាំងអស់ ព្រោះការធ្វើបែបនេះវាបានជួយលោកអ្នកឱ្យបង្កើតនូវ Projectបានជោគជ័យជាមួយនិងការធ្វើ Production ModeនិងមិនមានការErrorកើតឡើងនោះទេ។ក្រៅពីនោះជាមួយនិង ការError Reporting លោកអ្នកគួរតែប្រយ័ត្ននូវចំណុចErrorតូចយ៉ាងណាក៏ដោយក៏វាអាច ធ្វើឱ្យProjectរបស់អ្នកមានបញ្ហាធ្ងន់ធ្ងរបានផងដែរ។
៤. ប្រើប្រាស់framework ប្រសិនបើត្រូវការ
លោកRasmus Lerdorfបាននិយាយថាអ្នកមិនគួរប្រើប្រាស់frameworkនោះទេពីព្រោះ វាអាចបញ្ជាក់បានថា framework ដែលលោកអ្នកបានប្រើប្រាស់អាចមានលក្ខណៈយឺតជាងកូដ PHP ធម្មតា។ពេលដែលយើងធ្វើការសាកល្បងបង្ហាញលទ្ធផលដូចជា”Hello World”។វាមានការគិតពីរដែលត្រូវយកមកធ្វើការពិចារណានៅទីនេះ តែទោះបីជាយ៉ាងណាក៏ដោយលោកអ្នកមិនមែនជាលោកRasmus Lerdorfទេហើយការសរសេរកូដរបស់លោកអ្នកក៏មិនមែនបង្ហាញពាក្យថា ”Hello World”ដែរនៅក្នុងពេលសរសេរកូដ។Framework អាចជួយអ្នកបានច្រើនទៅលើអ្វីដែលធ្វើឱ្យលោកអ្នកធុញទ្រាន់នៅ ក្នុងការសរសេរកូដ ទោះបីជាលោកអ្នកត្រូវរៀនអំពីមុខងាររបស់ framework ជាមុនក៏ដោយដើម្បីធ្វើការប្រើប្រាស់វាដើម្បីធ្វើអោយមានភាពងាយ ស្រួលជាងមុន ប៉ុន្តែការសិក្សាទាំងអស់នេះវាគ្រាន់តែជាផ្លាស់ប្ដូរអ្វីដែរ ថ្មីតែប៉ុណ្ណោះ។ មិនតែប៉ុណ្ណោះលោកអ្នកអាចកាត់បន្ថយនូវការសរសេរcodeបានច្រើននិង មិនងាយនិងមានកំហុសទៀតផង។
៥. ប្រើប្រាស់នូវFunctionដែលមានស្រាប់ក្នុងPHP
ប្រសិនបើលោកអ្នកចង់ធ្វើការរាប់នូវចំនួន keysដែលមាននៅក្នុង array?លោកអ្នកអាចសរសេរកូដសម្រាប់ធ្វើការLoop arrayម្ដងមួយៗរហូតទាល់តែអស់ ឬក៏លោកអ្នកអាចធ្វើការប្រើប្រាស់នូវFuntion ដែលមានស្រាប់នៅក្នុងPHP(built in function)ដូចជាFunction count()ជាដើម។PHP មានfunctionសំខាន់ៗជាច្រើនដែលបង្កើតឡើងរួចជាស្រេចដែលលោកអ្នក អាចប្រើប្រាស់បានតាមតម្រូវការរបស់អ្នកយ៉ាងសំបូរបែប ដែលវាមាននូវរបៀបប្រើប្រាស់សម្រាប់ជំនួយដល់លោកអ្នកដែលមិនចេះ ប្រើប្រាស់វាបានយ៉ាងងាយផងដែរ។លោកអ្នកអាចចូលទៅមើលពីរបៀបប្រើ ប្រាស់វាបាននៅក្នុង PHP Manual។
៦. ការពារDatabase របស់អ្នក
ជម្រើសដ៏ល្អបំផុតសម្រាប់លោកអ្នកក្នុងការការពារនូវទិន្នន័យទាំង អស់នោះគឺការប្រើប្រាស់នូវFunction mysql_real_escape_string()សម្រាប់Dataទាំងអស់របស់អ្នកដែលមុនពេល ធ្វើការដាក់ចូលទៅក្នុងDatabase។ចំពោះFunctionមួយនេះវាមានលក្ខណៈ ពិសេសត្រង់ថាវាអាចការពារStringsទាំងអស់ពីការខូចខាតDatabaseឬ ក៏ការពារកូដដែលអាចធ្វើឱ្យខូចDatabaseរបស់លោកអ្នកបាន។លោកអ្នក អាចប្រើប្រាស់កូដនេះបានសម្រាប់ធ្វើការជាជំហានដំបូងក្នុងការ ការពារDataរបស់អ្នក។ម្យ៉ាងវិញទៀតអ្នកអាចប្រើវាបានជាមួយPOST និង GET បានក្នុងការចាប់យកStrings។
៧. ប្រើPOST ល្អជាងប្រើGET
ប្រសិនបើអ្នកមិនស្ថិតក្នុងលក្ខខ័ណ្ឌចាំបាច់នោះទេ លោកអ្នកគួរកុំប្រើGET និងសូមងាកមកប្រើPOST វិញល្អជាង។ក្នុងហេតុផលមួយដ៏សមស្របគឺការប្រើ GETវាបានបញ្ជូនទិន្នន័យរបស់អ្នកតាមរយៈURLនៅក្នុង Address Barដូច្នោះប្រសិនបើព័ត៌មានរបស់អ្នកសំខាន់វានិងត្រូវបានបង្ហាញ ចេញមក ដូចនេះគេអាចធ្វើការលួចទិន្នន័យរបស់តាមរយៈវាក៏បាន។អាស្រ័យ ហេតុនេះហើយបានជាការចុះឈ្មោះនៅលើគេហទំព័រទាំងអស់គេតែងតែប្រើ POSTសម្រាប់ធ្វើការចាប់បញ្ជូនទិន្នន័យ និងមានសុវត្ថិភាពខ្ពស់ជាង។
៨. ត្រូវរៀបចំគម្រោងជាមុនៗនឹងសរសេរcode
ដើម្បីបង្កើតឱ្យបាននូវProjectមួយដែលមានគុណភាពល្អលោកអ្នកគួរតែ ធ្វើការ ព្រាងទុកនូវគម្រោងរបស់អ្នកដែលត្រូវធ្វើទៅលើក្រដាសមួយសម្រាប់ ធ្វើជាគំរូ។អ្វីដែលជារឿងសំខាន់មួយដែរសម្រាប់លោកអ្នកដែលបាន ត្រៀមនូវយន្តសាស្ត្រមុននិងចាប់ផ្ដើមការសរេសរកូដ។ព្រោះនៅក្នុង ដំណើរការរបស់គម្រោងដែលអ្នកបានព្រាងទុកវានិងអាចជួយឱ្យការងារ របស់លោកអ្នកមានភាពងាយស្រួលបាន ដើម្បីជៀសវាងការធ្វើឱ្យលោកអ្នកឈឺក្បាលនិងមានកំហុសឆ្គងទៅលើ ការសរសេរកូដផងដែរ។
៩. ត្រូវតែយល់ឱ្យច្បាស់ពីគម្រោងរបស់ខ្លួន
អ្នកមិនអាចចាប់ផ្ដើមនូវProjectរបស់អ្នកបាននោះទេ បើអ្នកមិនទៀនបានស្គាល់ច្បាស់នូវគម្រោងរបស់អ្នកនោះ។ជាធម្មតា ការសិក្សារាល់គម្រោងទាំងអស់សុទ្ធតែមានប្រយោជន៍សម្រាប់ការបង្កើត ចេញជារូបរាងរបស់Project។ដូច្នោះការប្រើប្រាស់នូវគម្រោងអ្នក តែសិក្សាឱ្យបានល្អិតល្អន់ទើបជាការប្រសើរ។នៅពេលណាមួយដែលអ្នក បានសិក្សានូវគម្រោងរបស់អ្នកបានច្បាស់លាស់ហើយនោះ។លោកអ្នកអាច ធ្វើការសន្និដ្ឋានថាតើគម្រោងរបស់អ្នកត្រូវការអ្វីខ្លះនិងមិន ត្រូវការអ្វីខ្លះនោះទើបជាការប្រសើរ។
១០. Code code code
ប្រសិនបើអ្នកមានគម្រោងនៅក្នុងដៃរបស់លោកអ្នកហើយ គឺលោកអ្នកអាចធ្វើការឈានចូលដល់ដំណាក់កាលសរសេរកូដបានហើយ ។ប្រសិនបើលោកអ្នកចង់ក្លាយទៅជា អ្នកសរសេរកូដដ៏ជំនាញនោះលោកអ្នកត្រូវស្គាល់ពីរបៀបរបបក្នុងការ សរសេរកូដទើបជាការប្រសើរ។លោកអ្នកមិនអាចក្លាយជាអ្នកជំនាញសរសេរ កូដដ៏ល្អម្នាក់បានដោយគ្រាន់តែមើលអ្នកដទៃសរសេរកូដនោះទេ។វិធី សាស្ត្រដែលអាចជួយលោកអ្នកឱ្យទទួលបានលទ្ធផលក្នុងការសរសេរកូដនោះ គឺលោកអ្នកត្រូវស្គាល់ពីរបៀបប្រើប្រាស់នៃកូដនិមួយៗ ហើយចំពោះកូដដែលលោកអ្នកចូលចិត្តសរសេរនោះវានិងអាចជួយលោកអ្នក ឱ្យទទួលបាននូវលទ្ធផលល្អក្នុងការសរសេរដើម្បីបង្កើតចេញជាProject មួយ។

១០ប្រការ នាំអោយមានគ្រោះថ្នាក់ធំ សម្រាប់សេដ្ឋកិច្ចពិភពលោកឆ្នាំ ២០១២

Posted on December 29, 2011 | 2 Comments

ដកស្រង់ពីភ្នំពេញដេលីញូវ

ក្នុងស្ថានភាពសេដ្ឋកិច្ចទូទាំងពិភព លោកកំពុងមានសញ្ញាមិនល្អដូចពេល បច្ចុប្បន្នក្រុមអ្នកវិនិយោគអន្ដរជាតិ មានការព្រួយបារម្ភអំពីស្ថានភាពអាក្រក់ ដែលអាចនឹងកើតឡើងក្នុងឆ្នាំ ២០១២។

យោងទៅតាមគេហទំព័រ Business Insider ធនាគារ Deutsche Bank របស់ អាលឺម៉ង់ ទើបបានបញ្ចេញការព្រួយ បារម្ភទាំង១០ប្រការដែលត្រូវបានគេគិតថាជាគ្រោះថ្នាក់ធំ បំផុតសម្រាប់សេដ្ឋកិច្ចពិភពលោកក្នុងរយៈពេល ១២ ខែខាងមុខ។ គ្រោះថា្នក់ទាំងនេះភាគច្រើនគឺនឹងចាប់ផ្ដើមកើតមានឡើងពី វិបត្តិបំណុលនៅអ៊ឺរ៉ុប ការធ្លាក់ចុះនៃសេដ្ឋកិច្ច អាមេរិកនិងស្ថានភាពសេដ្ឋកិច្ចដែលអាចថយចុះរបស់ប្រទេសចិនជាដើម។

១/ ប្រទេសក្រិកលែងស្ថិតក្នុងក្រុម Eurozone

ក្រុមអ្នកជំនាញការរបស់ Deutsche Bank មិនយល់ថា ការដែលប្រទេសក្រិកត្រូវដកខ្លួនចេញពីការប្រើប្រាស់ ប្រាក់រួមរបស់អ៊ឺរ៉ុបក្នុងក្រុម Eurozone ថានឹងមានគ្រោះថ្នាក់ខ្ពស់នោះទេ ប៉ុន្ដែក្រុមអ្នកជំនាញការនេះក៏មិន មើលរំលងគ្រោះថ្នាក់នេះនោះដែរ។ ក្នុងករណីគ្រោះថ្នាក់នេះក្លាយជាការពិត តម្លៃទ្រព្យក្នុងវិស័យសេដ្ឋកិច្ច ឯកជននៅក្នុងប្រទេសក្រិក រួមនឹងប្រទេសជាច្រើនក្នុងតំបន់ Eurozone ត្រូវថយចុះខ្លាំងពេលនោះវិធានការដើម្បីគ្រប់គ្រងចរន្ដទុន នឹងត្រូវបាន គេអនុវត្តន៍ ប៉ុន្ដែនៅពេលប្រព័ន្ធធនាគាររបស់ប្រទេសក្រិកត្រូវអន់ថយ បណ្ដាធនាគារតូចៗនៅអ៊ឺរ៉ុបប្រាកដជា នឹងត្រូវប្រឈមនឹងការដកប្រាក់ជាបន្ដបន្ទាប់ពីសំណាក់អតិថិជន។

ដើម្បីទប់ស្កាត់គ្រោះថ្នាក់នេះ ធនាគារ Deutsche Bank ផ្ដល់ដំបូន្មានថា ក្រុមអ្នកវិនិយោគគួរតែប្ដូរប្រាក់នៅ ក្នុងគណនីរបស់ខ្លួនទៅជា មាស ឬ ប័ណ្ណរតនាគារ (ប័ណ្ណភាគហ៊ុន)របស់រដ្ឋាភិបាលអាមេរិក ឬ ពិចារណា ចំពោះការប្ដូរទៅជាប្រាក់យ៉េនរបស់ជប៉ុនឬប្រាក់ផោនរបស់អង់គ្លេសជាដើម។

២/ វិបត្ដិប្រភពទុននៅអ៊ីតាលី និងអេស្បាញ

ចំពោះគ្រោះថ្នាក់នេះ កត្តាដែលគួរយកចិត្តទុកដាក់នៅ អេស្បាញនោះ គឺវិស័យសេដ្ឋកិច្ចឯកជន និងប្រព័ន្ធ ធនាគារចំណែកនៅប្រទេសអ៊ីតាលីវិញនោះគឺ គេគួរចាប់អារម្មណ៍ទៅលើនយោបាយ និងការរីកចម្រើន ផ្នែកសេដ្ឋកិច្ច។ ការព្រួយបារម្ភដែល Deutsche Bank បានលើកឡើងនោះ គឺជាវិបត្តិទំនុកចិត្តដែលអាចនឹងផ្ទុះឡើង បណ្ដាលអោយប្រទេសទាំងពីរ ខាងលើពិបាក ក្នុងការទាក់ទាញប្រភពទុកជាសាច់ប្រាក់។ ប្រសិនជាវិបត្តិនេះកើតឡើងប្រាកដមែន បញ្ហានេះនឹងគំរាមកំហែងចំពោះវត្តមានរបស់ប្រាក់អ៊ឺរ៉ូ និងប្រព័ន្ធ ហិរញ្ញវត្ថុទូទាំងពិភពលោក។ ធនាគារកណ្ដាលរបស់អ៊ឺរ៉ុប (ECB) ពេលនោះ នឹងត្រូវធ្វើ សកម្មភាពយ៉ាងខ្លាំងក្លាដើម្បីស្រោចស្រង់សេដ្ឋកិច្ច ទូទាំងពិភពលោក អោយរួមផុត ពីវិបត្តិ។

បើតាម Deutsche Bank ដើម្បីទប់ស្កាត់គ្រោះថ្នាក់នេះ ក្រុមអ្នកវិនិយោគអាចនឹងលក់ភាគហ៊ុនរបស់ខ្លួនដើម្បី រកប្រាក់ចំណេញនៅក្នុងធនាគាររបស់បារាំង និង អង់គ្លេស ឬលក់ប្រាក់យកចំណេញនៅក្នុងតំបន់អ៊ឺរ៉ុប ខាងកើត។ល។

៣/ ពិន្ទុទំនុកចិត្តនៅអាមេរិកត្រូវធ្លាក់ចុះ ឬធ្លាក់ចូលទៅក្នុងឱនភាពទ្វេដង

គ្រោះថ្នាក់នេះអាចនឹងកើតឡើងនៅពេលករណីគ្រោះថ្នាក់ទី ១ ឬទី ២ ខាងលើបានក្លាយជាការពិត វិធានការកាត់បន្ថយការចំណាយទៅលើ វិស័យសាធារណៈរបស់អាមេរិកនឹងធ្វើអោយមានការមិនសប្បាយចិត្ត ឬនឹង ធ្វើអោយសេដ្ឋកិច្ចត្រូវធ្លាក់ចុះ។ នៅក្នុងករណីគ្រោះថ្នាក់នេះកើតឡើង វិស័យធនាគារនៅអាមេរិក ក៏អាចត្រូវបាត់បង់ទំនុកចិត្ត ប៉ុន្ដែផលប៉ះពាល់របស់គ្រោះថ្នាក់នេះ ភាគច្រើននឹងកើតឡើង ដោយសារកត្ដាពេលវេលាជាអ្នកសម្រេច។

វិធានការដើម្បីទប់ស្កាត់វិបត្តិនេះ ក្រុមអ្នកបញ្ចេញទ្រព្យសម្បត្តិត្រូវតែត្រៀមទុនជាមុន ខណៈដែលក្រុមអ្នក វិនិយោគត្រូវបានគេផ្ដល់ដំបូន្មាន អោយពិចារណាទៅលើការបង្កើនការរក្សាទ្រព្យដែលមិនមានលក្ខណៈជា ខួបដែលត្រូវបានគេវាយតម្លៃថា មានទំនុកចិត្តខ្ពស់នោះ។

៤/ សេដ្ឋកិច្ចចិន “ថយកម្លាំង”

លទ្ធភាពដែល Deutsche bank បានលើកឡើងសម្រាប់គ្រោះថ្នាក់នេះគឺដោយសារសេដ្ឋកិច្ចចិនបានកើនឡើង ត្រឹមតែ ពី ៥ ទៅ ៦%ប៉ុណ្ណោះ ដែលនេះត្រូវបានគេយល់ថាគឺជាការធ្លាក់ចុះសម្រាប់សេដ្ឋកិច្ចនៅក្នុងប្រទេស ដែលមានកម្រិត GDP កើនឡើងខ្ពស់បំផុតរបស់ពិភពលោកមួយនេះ។ ក្នុងករណីនេះ ទីផ្សារទុននៅទូទាំងពិភលោកនឹងត្រូវទទួល រងផលប៉ះពាល់ដោយសារការថយចុះនៃ តម្លៃទំនិញសំខាន់ៗ ប៉ុន្ដែឃ្លាំងផ្ទុករូបិយប័ណ្ណបរទេស ដ៏ធំរបស់ចិនត្រូវបានគេមើលឃើញថា ជាប្រភេទអាវុធស័ក្ដិសិទ្ធ ជួយអោយក្រុង ប៉េកាំងទប់ស្កាត់ឱនភាព និង ជួយជម្រុញការរីកចម្រើនសេដ្ឋកិច្ច។

៥/ បារាំងបាត់បង់ទំនុកចិត្តបំណុលកម្រិត AAA

តាម Deutsche Bank ប្រការនេះនឹងងាយកើតឡើង បើពិចារណាទៅលើការដែលក្រុងប៉ារីសមិនទាន់ទទួលបាន លទ្ធផលល្អប្រសើរក្នុងការចាត់វិធានការ ដោយគោលនយោបាយសាធារណៈ។ បច្ចុប្បន្ន គំលាតរវាងប្រាក់ ចំណេញបានមកពីការលក់ប័ណ្ណភាគហ៊ុនរបស់បារាំង និងអាលឺម៉ង់ (ជាប័ណ្ណភាគហ៊ុន ដែលត្រូវបានគេ មើលឃើញថា មានស្ដង់ដាបំផុតរបស់ទីផ្សារភាគហ៊ុនអ៊ឺរ៉ុប) បានស្ដែងឡើងនូវគ្រោះថ្នាក់តាមរយៈតម្លៃប័ណ្ណភាគហ៊ុនរបស់បារាំង។ ទោះជាបែបនេះក្ដី ប្រសិនពិន្ទុទំនុកចិត្តរបស់បារាំងត្រូវធ្លាក់ចុះ នេះក៏អាចជាការភ្ញាក់ផ្អើល មួយចំពោះមូលនិធិស្ថេរភាពអ៊ឺរ៉ុប (The European Financial Stability Facility ) ព្រមទាំងបង្កអោយមានការលំបាក ដល់រដ្ឋាភិបាលបារាំងក្នុងការប្រមូលទុនពីទីផ្សារប័ណ្ណភាគហ៊ុន។

ដើម្បីទប់ស្កាត់គ្រោះថ្នាក់នេះ ក្រុមអ្នកវិនិយោគអាច ទិញធានារ៉ាបរងសម្រាប់គ្រោះថ្នាក់នៃការក្សៃធន់របស់ ប័ណ្ណភាគហ៊ុន(CDS)របស់បារាំង។

៦/ ធនាគានៅអ៊ឹរ៉ុបជម្រុញសកម្មភាពកាត់បន្ថយបំណុល

សកម្មភាពនេះបានត្រូវធ្វើឡើង ដោយសារការព្រួយបារម្ភចំពោះគ្រោះថ្នាក់នៅពេល ដែលបំណុលបានកើន ឡើងខ្ពស់ដែលបានបង្កអោយប្រភពទុន និងការវិនិយោគត្រូវថយចុះ។ បើតាម Deutsche Bank ធនាគារ នៅអ៊ឺរ៉ុបប្រាកដជាត្រូវធ្វើការកាត់បន្ថយបំណុលក្នុងឆ្នាំ២០១២។ ក្រុមអ្នកជំនាញការរបស់ Deutsche Bank បានព្យាករណ៍ថាចំនួនប្រាក់បំណុលដែលធនាគារទាំងឡាយនៅអ៊ឺរ៉ុប ត្រូវកាត់បន្ថយនោះ អាចកើនឡើង ដល់ ២.០០០ពាន់លាន
ដុល្លារអាមេរិក ក្នុងរយៈពេល ១៨ខែ ហើយចំនួននេះអាចនឹងកើនឡើង ប្រសិនវិបត្តិមានភាពធ្ងន់ធ្ងរជាងនេះ។

៧/ ប្រភពហិរញ្ញវត្ថុសម្រាប់ទីផ្សារទំនិញសំខាន់ៗនឹងត្រូវរឹតបន្ដឹង

គ្រោះថ្នាក់នេះត្រូវបានគេជឿថាងាយនឹងកើតឡើង ជាពិសេសនៅពេលគ្រោះថ្នាក់ ទី ៦ បានក្លាយជាការពិត។ ខណៈនោះធនាគារនានានៅអ៊ឺរ៉ុបដែលមានតួនាទីសំខាន់ក្នុង ការផ្គត់ផ្គង់ទុនសម្រាប់ក្រុមហ៊ុនទិញដូរទំនិញធំៗ នៅប្រទេសស្វីសអាច នឹងកាត់បន្ថយប្រភពទុន ប្រការនេះនឹងធ្វើអោយតម្លៃទំនិញសំខាន់ៗត្រូវធ្លាក់ចុះខ្លាំង។ ដើម្បីទប់ស្កាត់បញ្ហានេះក្រុមហ៊ុននានាដែលបានទៅខ្ចីប្រាក់ពីអ៊ឺរ៉ុប គួរតែស្វែងរកប្រភពទុននៅអាមេរិក។

៨/ ទ្រព្យមានសុវត្ថិភាព …លែងមានសុវត្ថិភាព

ទ្រព្យសម្បត្តិដែលត្រូវបានគេយល់ថា មានតួនាទីគ្រប់គ្រងសុវត្ថិភាពដូចជា មាស ប្រាក់ Franc របស់ស្វីស និងប្រាក់យ៉េនរបស់ជប៉ុនជាដើមបានប្រែប្រួលក្នុងរយៈពេលកន្លង។ ក្នុងខណៈនោះប័ណ្ណភាគហ៊ុនរបស់រដ្ឋាភិបាលអាមេរិកនិងអាលឺម៉ង់បានក្លាយ ជាទ្រព្យដែលទាក់ទាញទុនបានច្រើន។ ប៉ុន្ដែដោយសារបំណុលរបស់អាមេរិក និងអាលឺម៉ង់បានកើនឡើងខ្ពស់នោះ គេជឿងថាវានឹងធ្វើអោយការពិតនេះត្រូវផ្លាស់ប្ដូរ។

នៅចំពោះមុខការពិតនេះ Deutsche Bank បានណែនាំថា ក្រុមអ្នកវិនិយោគគួរតែរក្សាប្រភេទប័ណ្ណភាគហ៊ុន ដែលមានទំនុកចិត្តក្នុងកម្រិតAAA ដែលត្រូវបានបញ្ចេញលក់ដោយស្ថានប័នអន្ដរជាតិ។

៩/ ឱនភាពប្រាក់ខែចូលនិវត្តន៍របស់អាមេរិកបន្ដរីកធំ

គ្រោះថ្នាកនេះ ត្រូវបាន Deutsche Bank យល់ដូចខាងក្រោម ៖

ឱនភាពថវិការជាតិសម្រាប់ប្រាក់ខែចូល និវត្តន៍នៅក្នុងវិស័យឯកជន និង រដ្ឋនៅអាមេរិកបានកើនឡើងហួសពីការគ្រប់គ្រង។ លើសពីនេះកម្រិត ការប្រាក់ទាបបំផុតមិនធ្លាប់មាន នៅអាមេរិកនាពេលបច្ចុប្បន្នបានធ្វើអោយស្ថានភាពកាន់តែអាក្រក់ឡើង ហើយនៅពេលនោះពិន្ទុនៃទំនុកចិត្តសម្រាប់ក្រុមហ៊ុន និងអង្គភាពនានាក៏ត្រូវធា្លក់ចុះ ប្រាក់ចំណេញ របស់ក្រុមហ៊ុនក៏ត្រូវថយចុះទៅតាមនោះក្រោយមក វិបត្តិប្រភពទុននឹងកើតឡើង។

១០/ ការកើនឡើងនៃសេដ្ឋកិច្ចល្អជាងការព្យាករណ៍

តាមការពិត ប្រការនេះគឺជាលទ្ធភាពមួយ ដែលបង្កការភ្ញាក់ផ្អើលច្រើន ជាគ្រោះថ្នាក់។ ការលើកឡើង នូវគ្រោះថ្នាក់គឺតែងតែជួបប្រទះនឹងលទ្ធភាពនៃប្រការ ដែលបង្កអោយមានការភ្ញាក់ផ្អើល។ នៅក្នុងពេលនៃការលើកឡើង អំពីគ្រោះថ្នាក់នេះស្ថានភាពសេដ្ឋកិច្ចនៅអ៊ឺរ៉ុបបានល្អប្រសើរឡើងវិញ សេដ្ឋកិច្ចនៅទូទាំងពិភពលោក កំពុងកើនឡើង រីឯតម្លៃទ្រព្យដែលអាចមានគ្រោះថ្នាក់ ក៏កំពុងកើនឡើងហូសពីការគ្រោងទុកផងដែរ៕

Subscribe to: Posts (Atom)

សន្លឹកហ៊ុន

សន្លឹកហ៊ុន (Corporate Stock) មាន៖

ហ៊ុនធម្មតា (Common Stock) គឺជាភាគលាភ មិនិមែនការប្រាក់ហើយមិនថេរគ្មានការកំណត់អាស្រ័យនឹងអាជីវកម្ម។
ហ៊ុនអាទិភាព (Preferered Stock) គឺជាភាគលាភដែលជាការប្រាក់មួយ ត្រូវបង់ដោយសាជីវកម្ម តាមអត្រាការប្រាក់មួយថេរដែលបានកំណត់។

លក្ខណៈសម្បត្តិរបស់ទីផ្សារហិរញ្ញវត្ថុ

លក្ខណៈសម្បត្តិរបស់ទីផ្សារហិរញ្ញវត្ថុ (The Nature of Financial Markets)

 ជាយន្តការបញ្ជូន-ផ្ទេររវាងអ្នកសន្សំ ឬ អ្នកឱ្យខ្ចី និង អ្នកខ្ចី ឬ អ្នកចំណាយ
 ប្រមូលផ្តុំប្រាក់សន្សំហើយផ្តល់ឱ្យអ្នកខ្ចី ដែលត្រូវការទុនវិនិយោគលើសពីទុនដែលខ្លួនមាន
 ជាមធ្យោបាយបញ្ជូនប្រាក់ពីផ្នែកដែលនៅសេសសល់ទុនដោយការសន្សំ ទៅផ្នែកដែលខ្វះទុន
 មានផលប្រយោជន៍ទាំងសងខាង (អ្នកឱ្យខ្ចី និង អ្នកខ្ចី)

សន្លឹកហ៊ុន (Corporate Stock)

ប័ណ្ណរតនាគារ (Treasury Bills, T-Bills)

ជាប័ណ្ណដែលចេញដោយរតនាគាររបស់រដ្ឋាភិបាលមានរយៈពេលខ្លី
 តំលៃទឹកប្រាក់តិចបំផុត ១០.០០០ ដុល្លារ ដែលមិនបញ្ជាក់ការប្រាក់
 ប័ណ្ណនេះ ត្រូវបានលក់តាមរបៀបអប្បហារ (discounts) ហើយចេញ ៣-៦ ខែ រៀងរាល់សប្តាហ៍ និងប័ណ្ណរតនាគារដែលមានអាយុកាល ១ ឆ្នាំ រៀងរាល់ខែ។

តើគណនីចរន្តបែងចែកជាប៉ុន្មានប្រភេទ ? អ្វីខ្លះ ?

តើគណនីចរន្តបែងចែកជាប៉ុន្មានប្រភេទ ? អ្វីខ្លះ ?
«ចំលើយ»

បែងចែកជា៣ដូចខាងក្រោម ៖

1. គណនីដកប្រាក់តាមតម្រូវការដោយគ្មានផ្តល់ការប្រាក់ ឬហៅថាប្រាក់បញ្ញើតាមតម្រូវការ

2. គណនីដកប្រាក់តាមការព្រមព្រៀងដោយផ្តល់ការប្រាក់

3. គណនីដែលប្រើប្រាស់នូវប្រព័ន្ធស្វ័យប្រវត្តិ ដែលផ្តល់លទ្ធភាពក្នុងការផ្ទេរប្រាក់ពីគណនី សន្សំមួយមានការប្រាក់បញ្ចូលក្នុងគណនីដកប្រាក់មួយតាមតម្រូវការគ្មានការប្រាក់ដោយ ស្វ័យប្រវត្តិ ។

តើរូបិយវត្ថុមានតួនាទីអ្វីខ្លះ ?

របៀបបង្កើត Website ដោយខ្លួនឯង ?

World Wide Web (www) គឺជាប្រព័ន្ធ Network ជាសាកលមួយដែលអាចឲ្យមនុស្សគ្រប់គ្នា មិនថានៅទីណាទេឲ្យតែមានសេវា Internet គឺអាចទាក់ទងគ្នា និងផ្លាស់ប្តូរព័ត៌មានគ្នាទៅវិញទៅមកបានដោយសេរី ។

មានអ្នកប្រើប្រាស់សេវា Internet ចូលទៅកាន់ Internet ដើម្បីស្វែងរកព័ត៌មានផ្សេងៗដែលខ្លួនត្រូវការ ហើយក៏មានអ្នកប្រើប្រាស់ Internet ជាច្រើនទៀតបានចំណាយប្រាក់កាស និង ពេលវេលាដើម្បីបង្កើត Website បន្ទាប់មកគាត់បានដាក់បញ្ចូលនូវអ្វីដែលជាចំណេះ, ជាការពិសោធន៍, ជាដំណឹង និង ព័ត៌មានជាច្រើនរាប់មិនអស់ចូលទៅក្នុងប្រព័ន្ធ Network របស់ Internet ដើម្បីជាការរួមចំណែកចែករំលែកនូវចំណេះដឹង និងអ្វីៗគ្រប់យ៉ាងទៀត ។

ក្រៅពីជាទីកន្លែងសម្រាប់ផ្តល់ព័ត៌មានមួយជាសាកល, Internet គឺជាទីផ្សារមួយដ៏ធំបំផុតដែលមានទំនិញសម្រាប់លក់គ្រប់យ៉ាងទាំងអស់ ហើយទំនិញទាំងនោះទៀតសោធន៍គឺមកពីគ្រប់ទិសទីទូទាំងពិភពលោក ។ ចំនួនប្រាក់ជាច្រើនពាន់លានដុល្លារត្រូវបានចំណាយតាមរយៈការទិញដូរនៅលើប្រព័ន្ធ Internet នេះ ។

យើងដឹងហើយថា Website ភាគច្រើនប្រើប្រាស់ជាភាសាអង់គ្លេសជាគោល ហេតុនេះការប្រើប្រាស់ភាសាណាមួយក្រៅពីអង់គ្លេស គឺតម្រូវឲ្យយើងយល់ដឹងឲ្យបានច្រើនពីភាសាដែលយើងចង់ប្រើ និងវិធីសាស្ត្រដែលយើងអាចធ្វើឲ្យអ្នកអាន (Viewer) អាចមើលឃើញភាសាដែលយើងប្រើនោះបានត្រឹមត្រូវ ។

ទោះជាក្នុងគោលបំណងណាក៏ដោយ មុនអាចបង្កើតជា Website មួយបានយើងចាំបាច់ត្រូវមានចំណេះដឹងខាងផ្នែកនេះឲ្យបានច្បាស់លាស់សិន និយាយជារួមគឺត្រូវចេះ HTML ឬក៏តាមរយៈវិធីណាមួយផ្សេងទៀត ប៉ុន្តែ HTML គឺនៅតែជាស្នូលនៃការបង្កើត Website ពុំអាចជៀសរួចឡើយ ។

មានវិធីច្រើនយ៉ាងណាស់ដែលយើងអាចយកមកប្រើដើម្បីបង្កើតចេញជា Webpage របស់ Website ។ គោលបំណងរបស់មេរៀននេះគឺបង្ហាញពីរបៀបបង្កើត Website មួយ និងមេរៀនជាច្រើនទៀតស្តីពី HTML ។

1- គោលបំណង

យើងត្រូវមានគោលបំណងមួយច្បាស់លាស់ថាតើ Website ដែលយើងនឹងបង្កើតចេញនោះសម្រាប់អ្វី សម្រាប់រកប្រាក់ ឬមិនសម្រាប់រកប្រាក់ ។

បើសិនជារឿងទាក់ទងដល់ការរកប្រាក់តើអ្វីទៅដែលជាគោលដៅរបស់យើង ? លក់ទំនិញ ផ្តល់សេវាកម្ម ផ្សព្វផ្សាយពាណិជ្ជកម្ម ... តែបើ Website នេះគ្រាន់តែជា Website មិនរកប្រាក់ទេនោះ តើយើងបង្កើតវាឡើងដើម្បីបំណងអ្វី យើងនឹងធ្វើវាដោយខ្លួនឯងទាំងស្រុង ឬជួលឲ្យគេធ្វើ តើយើងនឹង Update អ្វីៗនៅក្នុង Website នោះដោយខ្លួនឯង ឬឲ្យគេធ្វើឲ្យទាំងអស់នេះគឺជារឿងដែលយើងត្រូវគិតជាមុន ។

2- ឈ្មោះ Website

បន្ទាប់ពីយើងបានដាក់ចេញនូវគោលបំណងហើយ យើងត្រូវជ្រើសរើសយកឈ្មោះសម្រាប់ Website នោះ, វាគឺជារឿងមួយពិបាកបន្តិចដោយហេតុថា Website ចាំបាច់ត្រូវ Register domain របស់យើងឲ្យស្របតាមច្បាប់ ។ ក្រៅពីនេះយើងត្រូវបង់ប្រាក់សំរាប់ការ Register ផងដែរ នៅប្រទេសកម្ពុជាយើងគឺប្រហែលជា 50 ដុល្លារ តែនៅបរទេសវិញ (អាមេរិក) ប្រហែលជា 25-30 ដុល្លារ ក្នុងរយៈពេលមួយឆ្នាំ ។

យើងត្រូវនឹករកឈ្មោះឲ្យបានច្រើនតាមដែលយើងយល់ថាយើងអាចយកបានហើយកត់វាទុកមួយអន្លើ ។ ប្រការមួយទៀតដែលយើងត្រូវគិតដល់ផងដែរនោះគឺ តើយើងត្រូវ Host ទៅណា! ក្នុងប្រទេស ឬ ក្រៅប្រទេស ?

គេហទំព័រ

គេហទំព័រ គឺជា ទំព័រមួយ ឬក៏ជា ឯការមួយ ជាប្រភពនៃពត៌មាន ដែលគឺ មានលក្ខណះសមរម្យសំរាប់ វែបសាយដែលធំទូលាយ និង អាចដំនើរការតាមរយះ កន្លែងដាក់គេហទំព័រ និង អាចជំនួសនៅលើកញ្ចក់ ឬ គ្រឿងឧបករណ៍ចល័ត។ ប្រភពពត៌មាននេះជាធម្មតា គឺប្រើប្រាស់នៅក្នុង XHTML ។

What Is a Website?

A website is a collection of web pages (documents that are accessed through the Internet), such as the one you're looking at now. A web page is what you see on the screen when you type in a web address, click on a link, or put a query in a search engine. A web page can contain any type of information, and can include text, color, graphics, animation and sound.

សេដ្ឋកិច្ចព័ត៌មានវិទ្យា

Tuesday, May 29, 2012

ខ្ញុំអាច Convert ភាសា C# ទៅជាភាសា VB បានដែរឬ?

Sunday, May 27, 2012

តើ Common Stock (ភាគហ៊ុនទូទៅធម្មតា) និង Preferred Stock (ភាគហ៊ុនបុរិមា) ខុសគ្នាត្រង់ណាខ្លះ?

វិធីសាស្ត្រដ៏ល្អបំផុតដើម្បីកែប្រែពី Windows Vista ទៅជាWindows 7

ការបង្កើតទីផ្សារមូលប័ត្រនឹងនាំមកនូវជម្រើសថ្មីមួយទៀត សម្រាប់ប្រទេសកម្ពុជា

វិធីសាស្រាស្តដាក់ព្រិលធ្លាក់ក្នុង Webpage របស់យើង

Saturday, May 26, 2012

បច្ចេកទេសសរសេរកូដ PHP 10 យ៉ាង សម្រាប់អ្នកអភិវឌ្ឍគេហទំព័រ

១០ប្រការ នាំអោយមានគ្រោះថ្នាក់ធំ សម្រាប់សេដ្ឋកិច្ចពិភពលោកឆ្នាំ ២០១២

សន្លឹកហ៊ុន

លក្ខណៈសម្បត្តិរបស់ទីផ្សារហិរញ្ញវត្ថុ

សន្លឹកហ៊ុន (Corporate Stock)

Banker’s Acceptance

ប័ណ្ណរតនាគារ (Treasury Bills, T-Bills)

តើគណនីចរន្តបែងចែកជាប៉ុន្មានប្រភេទ ? អ្វីខ្លះ ?

តើរូបិយវត្ថុមានតួនាទីអ្វីខ្លះ ?

របៀបបង្កើត Website ដោយខ្លួនឯង ?

1- គោលបំណង

2- ឈ្មោះ Website

គេហទំព័រ

What Is a Website?

Tuesday, May 29, 2012

ខ្ញុំអាច Convert ភាសា C# ទៅជាភាសា VB បានដែរឬ?

Sunday, May 27, 2012

តើ Common Stock (ភាគហ៊ុន​ទូទៅ​ធម្មតា) និង Preferred Stock (ភាគហ៊ុន​បុរិមា) ខុសគ្នា​ត្រង់ណា​ខ្លះ?

វិធីសាស្ត្រ​ដ៏​ល្អ​បំផុត​ដើម្បី​កែប្រែ​ពី Windows Vista ទៅជាWindows 7

ការ​បង្កើត​ទី​ផ្សារ​មូលប័ត្រ​នឹង​នាំមក​នូវ​ជម្រើស​ថ្មី​មួយទៀត​ សម្រាប់​ប្រទេស​កម្ពុជា

វិធីសាស្រាស្តដាក់ព្រិលធ្លាក់ក្នុង Webpage របស់យើង

Saturday, May 26, 2012

បច្ចេកទេស​សរសេរ​កូដ PHP 10 យ៉ាង សម្រាប់​អ្នក​អភិវឌ្ឍ​គេហទំព័រ

១០ប្រការ នាំអោយមានគ្រោះថ្នាក់ធំ សម្រាប់សេដ្ឋកិច្ចពិភពលោកឆ្នាំ ២០១២

តើ Common Stock (ភាគហ៊ុនទូទៅធម្មតា) និង Preferred Stock (ភាគហ៊ុនបុរិមា) ខុសគ្នាត្រង់ណាខ្លះ?

វិធីសាស្ត្រដ៏ល្អបំផុតដើម្បីកែប្រែពី Windows Vista ទៅជាWindows 7

ការបង្កើតទីផ្សារមូលប័ត្រនឹងនាំមកនូវជម្រើសថ្មីមួយទៀត សម្រាប់ប្រទេសកម្ពុជា

បច្ចេកទេសសរសេរកូដ PHP 10 យ៉ាង សម្រាប់អ្នកអភិវឌ្ឍគេហទំព័រ